အသားဓာတ်ဖြည့်တင်းပေးနိုင်တဲ့ အသီးအနှံတွေက ဘာတွေဖြစ်မလဲ
ပရိုတင်းက ခန္ဓာကိုယ် အစိတ်အပိုင်းအားလုံးအတွက် အရေးပါပါတယ်။ ဆံပင်ကစလို့ ကြွက်သားတွေအထိ လိုအပ်တဲ့ အာဟာရဓာတ် တစ်မျိုးပါ။ ခန္ဓာကိုယ် ဖွဲ့စည်းပုံအတွက်ရော ကျန်းမာရေးအတွက်ပါ အရေးပါပါတယ်။ ပရိုတင်းကို အဓိကအားဖြင့် အသားတွေကနေ ရရှိစေနိုင်ပါတယ်။ ဒါပေမယ့် အသားမစားချင်ဘူး အသီးအနှံပဲ ကြိုက်ရင်ရော ပရိုတင်း ကြွယ်ဝအောင် ဘာတွေ စားရမလဲဆိုတာကို ဖတ်ကြည့်လိုက်ဦးနော်။
အသီးအရွက်တိုင်းမှာ ပရိုတင်းတွေပါတာလားဆိုတော့ မဟုတ်ပါဘူး။ အခုလို အသီးအရွက်တွေမှာတော့ ပရိုတင်းတွေ ပါဝင်နေပါတယ်။
ပရိုတင်း ပါဝင်မှု အများဆုံး ကနေ အနည်းဆုံးအထိ အစဉ်လိုက် စီပေးထားပါတယ်။
ပဲစိမ်း
ပဲစိမ်း တစ်ခွက်စာမှာ ပရိုတင်း 8.6 ဂရမ် ပါဝင်နေပါတယ်။ ပဲစိမ်းမှာ ပရိုတင်းပါဝင်မှုက အသီးအရွက်တွေထဲမှာတော့ အများဆုံးပါ။ အမျှင်ဓာတ်လည်း ကြွယ်ဝနေသလို တစ်နေ့တာ လိုအပ်တဲ့ အမျှင်ဓာတ် ၃၅ ရာခိုင်နှုန်းလည်း ပါဝင်နေပါတယ်။
ဟင်းနုနွယ်
ဟင်းနုနွယ် တစ်ခွက်စာမှာ ပရိုတင်း 5.2 ဂရမ် ပါဝင်နေပါတယ်။ အသီးအရွက်တွေထဲမှာ ဒုတိယ ပရိုတင်း ပါဝင်မှု အများဆုံး အသီးအရွက်က ဟင်းနုနွယ်ရွက်ပါ။ ဟင်းနုနွယ်ရွက်မှာ ပရိုတင်း အပါအဝင် ဗီတာမင် အေ၊ ဗီတာမင် ကေ နဲ့ ဗီတာမင် စီတို့ ပါဝင်နေပါတယ်။
ကိုယ်ခံအားကောင်းစေဖို့ ထောက်ကူပေးသလို အမြင်အာရုံ ကျန်းမာစေဖို့ ထောက်ကူပေးပါတယ်။ သွေးစီးဆင်းမှု ကောင်းစေဖို့လည်း ထောက်ကူပေးပါတယ်။
Artichokes
Artichokes တစ်ခွက်စာမှာ ပရိုတင်း 4.8 ဂရမ် ပါဝင်နေပါတယ်။ အခြား အသီးအရွက်တွေလိုပဲ Artichokes တစ်ခွက်စာမှာ ပရိုတင်း၊ အမျှင်ဓာတ် နဲ့ အခြားသော အာစာရဓာတ်တွေ ပါဝင်နေပါတယ်။
အရသာရှိလှတဲ့ Artichokes ကို လတ်လတ်ဆတ်ဆတ် စားလို့ ရသလို ဆီသွတ်ဘူး စားပေးလို့ လည်း ရပါတယ်။
သကြားပြောင်း
သကြားပြောင်း တစ်ခွက်စာမှာ ပရိုတင်း 4.7 ဂရမ် ပါဝင်နေပါတယ်။ သကြားပြောင်းမှာ ကျန်းမာရေးကို အထောက်အကူပြုပေးနိုင်တဲ့ အာဟာရဓာတ်တွေ ပါဝင်နေပါတယ်။ သကြားပြောင်းမှာ အမျှင်ဓာတ်လည်း ကြွယ်ဝစွာ ပါဝင်နေပါတယ်။
အဆာခံစေနိုင်ပြီး အာဟာရ ကြွယ်ဝစေဖို့ ထောက်ကူပေးပါတယ်။
ထောပတ်သီး
ထောပတ်သီး တစ်ခွက်စာမှာ ပရိုတင်း 4.6 ဂရမ် ပါဝင်နေပါတယ်။ စားလို့ကောင်းတဲ့ ထောပတ်သီးက ကိုယ်အလေးချိန်ကို ထိန်းညှိပေးနိုင်သလို နှလုံးကျန်းမာစေဖို့လည်း ထောက်ကူပေးပါတယ်။ ပိုတက်ဆီယမ် နဲ့ အမျှင်ဓာတ်လည်း ကြွယ်ဝစွာ ပါဝင်ပေးပါတယ်။
ကညွတ်
ကညွတ် တစ်ခွက်စာမှာ ပရိုတင်း 4.3 ဂရမ် ပါဝင်နေပါတယ်။ ကညွတ်မှာ ပရိုတင်း ကြွယ်ဝသလို ကစီဓာတ် ပါဝင်မှုလည်း နည်းပါတယ်။ ဖောလိတ် နဲ့ ဗီတာမင် အေလည်း ကြွယ်ဝစွာ ပါဝင်နေတာကြောင့် ဆဲလ်တွေ ကြီးထွားစေဖို့ အမြင်အာရုံ ကျန်းမာစေဖို့နဲ့ အရေပြား ကျန်းမာစေဖို့ ထောက်ကူပေးနိုင် ပါတယ်။
မှို
မှို တစ်ခွက်စာမှာ ပရိုတင်း 4 ဂရမ် ပါဝင်နေပါတယ်။ မှိုက အသားအရသာရှိပြီး ပရိုတင်းလည်း ကြွယ်ဝပါတယ်။ မှိုမှာ ပရိုတင်းအပြင် ဗီတာမင် ဘီ ပါဝင်နေသလို နေရောင်ခံပြီး ကြီးထွားလာတဲ့ မှိုမှာ ဗီတာမင် ဒီလည်း ပါဝင်နေပါတယ်။
ကိုက်လန်
ကိုက်လန် တစ်ခွက်စာမှာ ပရိုတင်း 3.5 ဂရမ် ပါဝင်နေပါတယ်။ ကိုက်လန်က အာဟာရ ကြွယ်ဝပါတယ်။ အင်ဒီအောက်ဆီးဒင့် ကြွယ်ဝသလို ဗီတာမင်တွေနဲ့ အာဟာရဓာတ်တွေလည်း ပါဝင်နေပါတယ်။
ဆီးချို၊ ကင်ဆာနဲ့ အခြားသော နာတာရှည် ကျန်းမာရေးပြဿနာကိုလည်း ကာကွယ်ပေးနိုင်ပါတယ်။
အာလူး
အာလူး တစ်ခွက်စာမှာ ပရိုတင်း 3 ဂရမ် ပါဝင်နေပါတယ်။ အာလူးမှာ အပြစ်ဆိုစရာဆိုလို့ ကစီဓာတ် များတာပါ။ ကစီဓာတ်များပေမယ့် အာလူးက ပရိုတင်းနဲ့ ဗီတာမင် စီ၊ ပိုတက်ဆီယမ်တို့ ပါဝင်နေပါတယ်။ ကျန်းမာစေဖို့ ထောက်ကူပေးပါတယ်။
မွန်မွန်